15.4.2018: Eng Kritik un RTL

Léif Frënn,
D’Emissioun « Background am Gespréich » vun RTL riskéiert ëmmer méi zu enger Gambia-Wahlkampfplattform ze verkommen. Déi lescht véier Emissiounen wore fir déi Häre Ministere Braz, Bettel, Schmit an Asselborn reservéiert. Vun engem Gläichgewiicht tëschent der Regierung, respektiv de Regierungsparteien an der Oppositioun si mir wäit ewech, an dat an engem Wahljoer! Soll dat ire bis zu de Wahlen esou viru goen?
Déi Form vu Journalismus déi do bedriwwe gëtt muss och kommentéiert ginn. Kritesch Froen un d’Regierungsmembere gëtt et der net vill bis guer keng. Déi Emissioun gëschter mam Här Asselborn wor dofir e gutt Beispill.
Seng Aussoen wore – jiddefalls mol a mengen An – zum Deel an der Saach falsch. Besonnesch seng Positiounen zu den aktuellen Tensiounen un der israelescher Grenz mam Gaza woren inakzeptabel. Wéi ëmmer hat hien eng vollkommen eesäiteg, anti-israelesch Approche, dacks voll mat objektiv falschen Aussoen. Aehnleches gëllt och wat Polen an Ungarn ugeet. An all deene Froen ass eng kritesch Nofro vun der Säit vun RTL leider ausbliwwen.
Ech hoffen, datt RTL sech ganz séier iwwerleet ob si do sinn fir d’Leit ze informéieren oder ob si se wëllen eesäiteg  manipuléieren.
Mat beschte Gréiss,
Fernand Kartheiser
Dieser Beitrag wurde unter Allgemein veröffentlicht. Setze ein Lesezeichen auf den Permalink.

Ein Kommentar zu 15.4.2018: Eng Kritik un RTL

  1. public enemy sagt:

    „Ech hoffen, datt RTL sech ganz séier iwwerleet ob si do sinn fir d’Leit ze informéieren oder ob si se wëllen eesäiteg manipuléieren.“

    D’Tendenz geet ganz kloer an eng Richtung. Awer net nëmme bei RTL.
    Wat dann éischter de Géigendeel bewierkt, well déi meescht Leit si jo net op de Kapp gefall.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert