D’Scharia, d’Prostitutioun, d’Madame Jacobs an d’Madame Loschetter

Et ass jo net sou, dat am tageblatt absolut ni eppes Anstänneges geng stoen. Heiansdo gëtt et och mol en interessanten Artikel, wéi zum Beispill den hei:

http://www.tageblatt.lu/nachrichten/story/Islamisten–Die-Scharia-in-London-28173842

D’Tageblatt seet awer net, dat déi abolitionnistesch Positioun bei der Prostitutioun net nëmmen vun den Islamisten, mee och vu ville lëtzebuerger Politiker vertruede gëtt. Ech wor perséinlech iwwerrascht, dat d’Madame Jacobs an d’Madame Loschetter net zësummen mat den Islamisten demonstréiert hunn. Mee och den Här Angel hätt sech gutt do gemaach, well d’Sozialisten vertrieden och nawell gär sou extrem Positiounen. Déi eenzeg Partei déi sech ëmmer konsequent géint e Verbued vun der Prostitutioun oder de „schwedesche Modell“ ausgeschwat huet, wor d’ADR.

D’ADR ass géint Gesetzer déi Schäinléisungen bréngen – einfach doduerch, dat de Problem vun der Prostitutioun op Tréier oder op Arel verlagert gëtt. Et geet virun allem drëm fir Zwangsprostituéierten, mannerjähregen Prostituéierten oder drogenofhängegen Prostituéierten den Ausstieg aus dem „Beruff“ ze erméiglechen. An et geet drëm fir fir jiddereen, déi Prostituéiert an och fir d’Clienten, sou gutt wéi et eben geet eng kierperlech a gesondheetlech Sëcherheet ze erméiglechen. Dat alles geet awer net duerch Verbued oder Verdrängung.

 

Dieser Beitrag wurde unter ADR, Allgemein, Lëtzebuerg, Politik veröffentlicht. Setze ein Lesezeichen auf den Permalink.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.