Déi geldpolitesch Situatioun an der Eurozon – d’Analys vun der Bundesbank

Och wann een keen Spezialist fir Finanzfroen ass, an ech selwer sinn och keen, sollt een dëss Analys vun der Bundesbak awer genee liesen. Obschonns déi verschidden Paragraphen mat groussem Geschéck an op eng viirsiichteg Manéier formuléiert goufen, erféiert een trotzdem bal op all Säit iwwer den Emfank an déi potentiell Auswierkungen vun denen aktuellen Problemer an der Eurozon. D’Bundesbank seet däitlech wéi vertraglech Dispositiounen verletzt oder ëmgaang goufen oder kënne ginn. Och iwwer den Target2 a seng Auswierkungen seet  dëss Analys ganz vill Substantielles. De Fall Griicheland gëtt exemplativ op ville Plazen zitéiert.  

http://www.handelsblatt.com/downloads/8124832/1/stellungnahme-bundesbank_handelsblatt-online.pdf

D’ADR ass sech dëse Problemer selbstverständlech bewosst. Si hat och als eenzeg Partei op d’Problemer am Target-System fir Lëtzebuerg opmierksam gemaach an drop insitéiert, datt den Här Mersch, deemools nach Chef vun der Lëtzebuerger Zentralbank, an d’Chamber kéim fir d’Situatioun ze presentéieren an ze diskutéieren.

http://www.adr.lu/target2-den-har-mersch-beantwert-dfroe-vun-der-adr/

Dëse Sujet ass extrem wichteg fir eist Land. Dat eenzegt awer wat eis Medien no där Reunioun interesséiert hat wor déi idiotesch Quotendebatt bei der Zësummesetzung vum Rot vun der EZB. Ech hu mech no där Reunioun – hei kann ech et jo soen – alt nes fir déi lëtzebuergesch Press geschummt. Eng Quotendebatt interesséiert eis Journalisten an déi wierklech, potentiell existentiell wichteg Problemer interesséieren se net….  Op déi Entwécklungen am europäeschen Finanzverkéiersmechanismus an déi resultéierend Risiken fir eise Budget ass net eng eenzeg Zeitung oder Radiosstatioun agaangen. Kee Wonner dat en Här Juncker kann an dësem Land gefillten 300 Joer Premier bleiwen!

 

Dieser Beitrag wurde unter ADR, Allgemein, Europa an d'Welt, Politik veröffentlicht. Setze ein Lesezeichen auf den Permalink.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.