D’CSV an d’Fräiheet vun der Press

Ech mengen et ass allgemeng bekannt, dat ech kee Frënn vun der CSV sinn an dat ëmgekéiert d’CSV ähnlech häerzlech Gefiller fir mech huet. Ech sinn also onverdächteg hei der CSV wëllen e Gefalen ze maachen.

Mä ech wëll awer aus Grënn vun der Eierlechkeet den Här Michel Wolter an engem Punkt a Schutz huelen: ech sinn déif iwwerzeegt, nodeems ech him an der Chamber nogelauschtert hat an och seng Presskonferenz zu dem Thema gelauschtert hunn, dat hien de Quelleschutz net wëll an net wollt a Fro stellen. Hien hat sech op eng Manéier ausgedréckt, déi fir mech zwar kloer wor, awer ganz offensichtlech net vu jidderengem sou verstaane gouf wéi hien et gemengt hat. Doriwwer kann een natierlech interessant Diskussiounen féieren, mee ech mengen wierklech dat d’CSV hei mol eng Kéier keng schlecht Ofsiichten hat.

D’CSV hat allerdéngs massiv a viirsetzlech d’Pressfräiheet verletzt wou si de Projet 6127 an der Chamber gestëmmt huet. De Projet gouf ënner CSV-Regie (Madame Minister Hetto) abruecht an mat enger grousser Majoritéit gestëmmt, just d’ADR wor dogéint,  obschonn et all Deputéierten absolut bekannt a bewosst wor, dat d’Pressfräiheet mat dem Gesetz geng ageschränkt ginn.

An der Tëschenzäit schéngt de Conseil de Presse an där Saach jo éicht Liewenszeechen ze weisen.

Dieser Beitrag wurde unter ADR, Allgemein, Lëtzebuerg, Politik veröffentlicht. Setze ein Lesezeichen auf den Permalink.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.