Dee zweeten Harry Potter op lëtzebuergesch!

Fir all Frënn vun der lëtzebuerger Sprooch a virun allem fir all déi kleng a grouss Kanner ënnert hinnen (zu denen zielen ech mech heiansdo och :-)) ) gëtt et elo eng wonnerbar Neiegkeet: den 2. Band vum Harry Potter kënnt nach fir Nikloosdag op lëtzebuergesch raus!

Den éichte Band wor scho ganz gutt op lëtzebuergesch iwwersat ginn a wéi et schéngt ass den zweete Band – wann dat iwwerhaapt méiglech ass – nach besser geroden. Den Titel vun dem Buch – dat elo schonn am Drock ass – weist eng flott Alliteratioun op: aus der „Chamber of Secrets“ gouf dem „Salazar säi Sall“.

Op lëtzebuergesch iwwersat gouf dat Buch vum Florence Berg a vum Guy Berg an et gëtt an der Editioun Kairos publizéiert.

Et wär schéin wann eise Kulturministère esou Iwwersetzungen an d’Lëtzebuergescht och mol géif ënnerstëtzen!

Ech wënschen dem „Harry Potter an dem Salazar säi Sall“ e Riesenerfolleg!

P.S.: Aus Deontologiegrënn well ech gläich soen, datt ech selbstverständlech kee kommerziellen Interessi a kee Bénéfice un dem Buch hunn!

http://www.kairos.lu/content/harrypotter.html

Dieser Beitrag wurde unter Allgemein veröffentlicht. Setze ein Lesezeichen auf den Permalink.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.