Nach virun e puer Deg, hat ech hei op den Zësummenhank tëschent Gréng, Inzest an Pädophilie opmierksam gemaach. An dem Zësummenhank ass dësen Artikel interessant, an dem d’Claudia Roth och nach un déi gréng Aarbechtsgrupp „Schwule, Päderasten und Transsexuelle“ (SchwuP) erënnert. Déi Pädophil bei denen Gréngen haten sech „Staadindianer“ genannt.
Fir de Rescht sinn d’Erklärungen vun der Madame Roth lächerlech. Natierlech woren déi Gréng „lax“ mat de Kannerschänner. Emmerhin hunn si ausgerechent den Här Cohn-Bendit zu hirem Fraktiounschef am Europaparlament gemaach.
Mä ganz allgemeng ass net ze verstoen, wéisou sou vill normal, lëtzebuerger Pädagogen ausgerechent bei denen Gréngen sinn. Sinn et dann net déi Gréng, déi prinzipiell ëmmer den Démontage vum traditionnellen lëtzebuerger Schoulsystem matgedroen, jo, en souguer gefuerdert hunn?
Een vun denen groussen Ennerscheeder tëschent denen Gréngen an der ADR ass, dat d’ADR fir eng konsequent a volontaristesch Integratioun – och a virun allem déi sproochlesch Integratioun – vun den Auslänner hei zu Lëtzebuerg asteet. Fir déi Gréng awer brauche mir keng wierklech Integratioun, mee de Schoulsystem muss sech hirer Meenung no un d’Besoinen vun denen auslännesche Kanner upassen. L’intégration à l’envers… Dat domadder och den traditionnellen Multilinguismus hei am Land ënnergeet, an domat en wäertvollen Atout vun de Lëtzebuerger an Europa an e wichtegen Bestanddeel vun eiser kultureller Identitéit – dat stéiert si net. Wéi alle Lénken ass eist Land hinnen souwisou egal.
De Moien wor d’Madame Delvaux an der Unterrechtskommissioun vun der Chamber fir hir nei Reform vum Lycée virzestellen.
Dee grénge Vertrieder huet fir nach méi „Ouverture“ am Sproochenunterrecht plädéiert also fir nach méi Nivellement vers le bas. En huet bedauert dat den „avancement automatique“ vun de Schüler vu 7ème op 6ème net zréckbehalen gouf an hien huet an dem Zësummenhank vun der „continuation des apprentissages“ geschwat. Wat fir eng Huelfloskel! Dann huet hien och nach kritiséiert, dat mir am Ufank „zëvill“ Respekt virun der Onofhängegkeet vun der Uni gehat hätten. Dat heescht also, dat déi Gréng och nach déi akademesch Onofhängegket vun der Uni Lëtzebuerg a Fro stellen.
Pädagogen, verloost déi Gréng!!