De Mikis Theodorakis an d’ADR

E bekannte Lëtzebuerger Schrëftsteller, den keng Geleeënheet ausléist fir mech ze kritiséieren, ass och en unerkannte Biograph vum Mikis Theodorakis. Dee Schrëftsteller schreift och dacks am kulturissimo, wou en dann och meng Partei oder mech selwer mat sengen Iwwerleeungen beéiert. Dat ass natierlech säi Recht, schliisslech liewe mir an enger Demokratie.

Et huet mir awer ëmsou méi Freed gemaach wou ech lo aus Athen gewuer gouf, dat den Här Theodorakis d’lescht Woch den „Onofhängegen Hellenen“ en Solidaritéismessage geschéckt huet. An déi „Onofhängeg Hellenen“ sinn eng neigegrënnte Partei déi wëll an den selwechten europäeschen, konservativen Parteienverbond antrieden an dem och d’ADR Member ass.

Lo wëll ech hei net d’Analys vum Här Theodorakis engen Iwwerleeungen maachen, déi ech dozou och net am Detail kënnen. Awer den Här Theodorakis ass eng bedeitend Perséinlechkeet, den och ech respektéieren a bewonneren. An dat geet wäit iwwer seng Musik raus, dem Här Theodorakis seng ganz Liewensgeschicht besonnech och während de Joeren vun der Militärdiktatur an dem Exil ass beandrockend a bewegend. Säi Geste sollt de Kritiker vun der ADR  jiddefalls ze denke ginn!

Dieser Beitrag wurde unter ADR, Allgemein, Europa an d'Welt, Politik veröffentlicht. Setze ein Lesezeichen auf den Permalink.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert