Wat ass d’Tea Party?

D’Tea Party ass alt nees sou e Schreckgespenst an eiser Press. Wéi dem Här Pavlov seng Hënn gi mir dorop conditionnéiert fir an där Bewegung mol direkt eppes Schlechtes ze erkennen, eppes Béises, eppes géint dee sympathesche President Obama a seng Politik. D’Tea Party – Membere si konservativ, meeschtens gleeweg an ëmmer patriotesch, also – an den An vun ville faden, langweilegen, lénksnorméierten, „moderne“ Westeuropäer – grujeleg a schlecht. Mee wen amerikanesch Politik wëll  verstoen, dee muss sou Bewegungen mat den An vun engem Amerikaner kucken – an hirer Sprooch, mat hirer Geschicht an hirer Begrëffswelt. An da versteet ee sou e Phänomen besser.

http://www.teaparty.org/about-us/

Dee Patriotismus, den an Amerika bei alle politesche Parteie ganz präsent ass, feelt eis Lëtzebuerger leider ëmmer méi. Eis Kanner léieren d’Heemecht net méi, d’Walrecht gi mer den Auslänner an d’Natioun léise mir an enger geféierlecher europäescher Illusioun op. Ech wéilt mir hätten och nëmme nach e Brochdeel vun där Flaam vu Begeeschterung fir eist Land wéi eis amerikanesch Frënn si vollkommen zu Recht fir hiert hunn.

D’Iddien vun der Tea Party sinn zum Deel fir eis Lëtzebuerger net nozevollzéien well si nëmmen am amerikanesche kulturelle Kontext ze verstoe sinn. Dozou gehéiert och zu engem gudden Deel déi hëtzeg Debatt iwwer d’Reform vun de Krankeversëcherungen, bekannt als „Obamacare“. Mee  e puer vun de Fuerderungen vun der Tea Party ënnerschreiwen ech mat zwou Hänn:

15 Non-negotiable Core Beliefs

1. Illegal aliens are here illegally.  Dat gesinn ech och sou.
2. Pro-domestic employment is indispensable. D’accord, och wann ee muss iwwer d’Mëttele schwätzen. 
3. A strong military is essential. Allerdéngs!
4. Special interests must be eliminated. Dat ass eng amerikanesch Debatt.
5. Gun ownership is sacred. Idem.
6. Government must be downsized. D’accord.
7. The national budget must be balanced. D’accord.
8. Deficit spending must end. D’accord.
9. Bailout and stimulus plans are illegal. Och eng éichter amerikanesch Debatt. 
10. Reducing personal income taxes is a must. Ech si jiddefalls mol géint Steiererhéigungen.
11. Reducing business income taxes is mandatory. Wann de Budget et erlaabt, jo.
12. Political offices must be available to average citizens. Absolut!
13. Intrusive government must be stopped. Komplett d‚accord!
14. English as our core language is required. Lëtzebuergesch.
15. Traditional family values are encouraged. Vollkommen d’accord.

Lo kann een natierlech iwwer déi genee Bedeitung, Formuléierung an Emsetzung vun denen eenzelne Fuerderunge diskutéieren a, wéi gesot, och iwwer hir Relevanz fir eis. Mee an der grondsätzlecher Richtung halen ech villes vun dem wat hei gefuerdert gëtt fir vernënfteg. Dat heescht net, datt ech all Vertrieder vun der Tea Party géng bewonneren oder all hir Erklärungen géng ënnerstëtzen. Awer ech sinn dofir, datt een sech mat hiren Aussoen an engem oppene Geescht beschäftegt a mat dene pauschale Verdäiwelungen ophällt.

Ech si jiddefalls mol där Iwwerzeegung datt dene Konservativen d’Zukunft gehéiert – hoffentlech nët nëmmen an Amerika. 

Dieser Beitrag wurde unter Allgemein veröffentlicht. Setze ein Lesezeichen auf den Permalink.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.