Homo-Bestietnis: E puer gutt Bicher zum Thema

Et kann een d’Diskussioun em d’Homo-Bestietnis, wéi all aner Diskussioun, natierlech op e puer Niveauen féieren. D’Tageblatt, zum Beispill, nennt  d’Géigner  vun där Iddi  einfach « mëttelalterlech » a schwätzt vun engem « Kräizzuch » ënnert dem Eiffeltuerm. Domat wären d’Fronten da kloer : déi, déi sech net fir den supposéierten « gesellschaftleche Fortschrëtt » vum Homo-Bestietnis ausschwätzen si vu vir-virgëschter oder/an, wat vläicht nach méi schlëmm ass,  am  Bond mat där béiser, béiser Kierch. Mat « mëttelalterlech » sinn  hei natierlech nët  déi kulturell Leeschtungen aus där Zäit gemengt, well där gouf et och mä si si vläicht a lénke Kreeser net sou bekannt, mä  sou zweifelhaft Eegeschaften  wéi « réckstänneg », « däichter », « ënnerdréckerech », an sou virun.

Ass et dann ieren « mëttelalterlech » sech ëm d’Wuel vun de Kanner Suergen ze maachen ?  Muss een da gleeweg sinn, fir all déi vill rechtlech, sozial an ethesch Bedenken ëm d’Homo-Bestietnis an d’Diskussioun ze bréngen ? Natierlech net ! Et geet vollkommen duer, e modernen, opgeklärten a verantwortungsvolle Mënsch ze sinn!

Mä amplaatz sech mat sengen Argumenter missen auserneenzesetzen gëtt  de politesche Géigner léiwer diffaméiert. Dat ass natierlech méi einfach.

Fir all déi Leit déi sech net um Niveau vum Tageblatt wëllen mat der Problematik befaassen, mä der Diskussioun wëllen en argumentative a verantwortungsvolle Charakter ginn, gëtt et e puer wonnerbar opgebaut, iwwerzeegend geschriwwen  a grëndlech dokumentéiert Bicher. Eent vun denen beschten zu dem Thema ass och nach vun engem Lëtzebuerger geschriwwe ginn, an dat mecht mech ganz besonnech frouh!

Hei si meng Bicher-Recommandatiounen zu dem Thema :

  1. Alain THORN, L’intrusion homoparentale, promoculture, 178 pages, 2011, ISBN 978-2-879-74113-0.
  2. Xavier LACROIX, La confusion des genres, Réponses à certaines demandes homosexuelles sur le mariage et l’adoption, Bayard, Etudes, 152 pages, 2005, ISBN 978-2-227-47489-5.
  3. Gabriele KUBY, Die globale sexuelle Revolution, Zerstörung der Freiheit im Namen der Freiheit, 2012, 453 Seiten, ISBN 978-3-86357-032-3.

 

 

Dieser Beitrag wurde unter Bicher, Lëtzebuerg, Politik veröffentlicht. Setze ein Lesezeichen auf den Permalink.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.