Déi konservativ Säit

Zu Lëtzebuerg woren déi Gréng jo Gottseidank nach nie an der Regierung. An Däitschland ass dat leider aanecht. Emmerhin erlaabt déi Erfahrung ze weisen an ze beweisen wéi verlugen déi Partei ass.

Hei e Beispill zum Thema Anti-Atom-Politik an Demosntatiounsfräiheet:

Gëschter an der Auditioun vum Här Marco Mille virun der Geheimdéngschtenquêtekommissioun huet de fréieren Direkter vum SREL gesot dat déi supposéiert Relatioun tëschent dem „Stay behind“ an dem Bommeleeër just nëmmen eng Aarbechtshypothes war.

http://news.rtl.lu/bommeleeer/news//441748.html

„Wat d’Fro vun engem Lien tëscht dem Stay Behind an de Bommeleeër ugeet, sot de
Marco Mille, datt dat eng Aarbechtshypothèse war.“

Ech ginn also dovun aus, dat déi Hypothes iwwerpréift an invalidéiert gouf. Domat wär och déi zweet „Stay behind“-Spur niewent dem berühmten „Cello“ doud.

Op tageblatt online steet nach dat hei:

http://www.tageblatt.lu/nachrichten/dossier/srel/story/Stay-Behind-Struktur-in-der-Armee–23289746

„Stay Behind

Das hätte eine plausible Hypothese auch für Luxemburg sein können, so Mille. Die These sei in Luxemburg geprüft worden. Die Schlussfolgerung: Stay Behind in Luxemburg sei nicht zu den Anschlägen in der Lage gewesen. Auch seien die Motive nicht vorhanden gewesen. Was die Anschläge hätten erbringen können, habe dem SREL nicht genutzt, so Mille. Stay Behind wurde vom Geheimdienst geleitet.

Die Luxemburger Stay Behind-Leute, zwölf Personen, hätten nicht über die notwendigen Kenntnisse verfügt. Dies alles habe er dem Premierminister zugetragen, so Mille. Juncker selbst erteilte dann 2008 der parlamentarischen Kontrollkommission Geheimdienst den Auftrag, einen Bericht zu Stay Behind zu erstellen.

Parallel-Struktur zu Stay Behind

Ob es eine Parallel-Struktur zu Stay Behind gegeben hat, wisse er nicht, antwortet Mille auf eine entsprechende Frage. Mille zufolge habe die Armee das trainiert, was Stay Behind eigentlich hätte trainieren müssen, u.a. Infiltration und Exfiltration im Falle einer feindlichen Besetzung des Landes. Die Parallelstruktur hätte in der Armee bestehen können. Seiner Ansicht nach sei diese Struktur, wenn sie denn bestanden hat, ein Erbe der Nachkriegsjahre und der Auslagerung einer entsprechenden Einheit der Armee Ende der 1970er Jahre.

Auch Robert Rollinger, ehemaliger stellvertretender SREL-Direktor, hat von der möglichen Existenz eines möglichen parallelen Stay Behind gehört. Rollinger wurde im Anschluss an Mille gehört. Im SREL sei damals die Existenz dieser Parallel-Struktur nicht ausgeschlossen worden. Konkretes könne jedoch nicht vorgelegt werden, Rollinger.“

Do froen ech mech allerdéngs, wou sou eng „Struktur“ soll gewiecht sinn. Als Offizéier hunn ech jiddefalls ni eppes dovun héieren, an sou enorm grouss ass d’Lëtzebuerger Arméi jo bekanntlech net dat do villes kéint virun den Offizéier verstoppt ginn. Dat eenzegt ass, dat eben eng Rei vu „Stay behind“ Szenarien an Manöveren trainéiert goufen, mee an dem Fall wor déi ganz Arméi sou eng „Struktur“. Mech geng also interesséieren wen sou Saachen behaapt an wéi eng Beweiser viirleien?

Mäin Androck vun der Geheimdéngschtenquêtekommissioun ass souwisou e ganz gemëschten. Déi puer mol wou ech do wor, hunn ech déi Iwwerzeegung kritt, dat e puer Memberen absolut serieux sinn, mee dat apaaart déi Häre Bausch an Urbany virun allem hiren eegenen ideologeschen Krich do féieren.  Den Här Bausch hat jo och schonn Conclusiounen gezunn, wou iwwerhaapt nach keng ze zéien waren. Als Rapporteur vun där Commissioun eng absolut Verletzung vun der Deontologie. Den Här Bausch hätt missen senger Wee goen.

http://francoisbausch.com/2013/04/08/srel-der-sichere-weg-zum-totalschaden/

Wat den Här Urbany ugeet, fällt mir op, dat e vill Froen zu denen aktuellen Quellen an den operativen Erkënntnesser a Methouden stellt,  besonnech am Zësummenhang mat gewëssen radikalen Bewegungen. Déi Froen ginn menger Meenung no wäit iwwer dat raus, wat d’Geheimdéngschtenquêtekommissioun soll leeschten.

Ech froen mech op all Member vun där Kommissioun sech iwwer d’Geheimhaltungsflicht bewosst ass an si och anhält, oder ob net vläicht geschwënn héig sensibel Informatiounen aus där Kommssissioun an Milieuen opdauchen wou se näicht verluer hunn. Jiddefalls denken ech dat eng politesch Transparenz net onbedéngt verlaangt, dat d’Enquêtekommissioun bis an d’Detailer vun den Dossieren geet.

Déi Kommssioun soll lo legislativ Mossnahmen proposéieren, wéi d’Aarbecht vum Geheimdéngscht ka verbessert ginn an dann hir Aarbechten ofschléissen. Et geet net drëm de Kommunisten an dene Gréngen e permanenten Abléck an héig sensibel Enquêten ze ginn.

lo grad héieren ech, datt Dir um  Facebook frot ech soll mäi Mandat nidderleeën, well ech fréier Geheimagent wor. Ech gleewen Iech gär, datt et denen Gréngen net passt, dat et nach Leit gëtt, déi fir dësst Land hire Kapp dohin halen. Patriotismus bei denen Gréngen ass jo keng Dugend, mee e Verbriechen. Ech gesinn dat awer ganz aanecht: iwwerdeems déi Gréng de Kommunisten hir nëtzlech Idioten waren an mat hiren zum Deel vu Moskau ferngesteierten Friddensbewegungen alles gemaach hunn, fir déi westlech Verdeedegung am Kaale Krich ze ënnergruewen, hunn d’Arméi an de SREL hiert Bescht gemaach fir dat dee fräie Westen och soll fräi bleiwen.

Den Här Bausch schreiwt, dat ech Leit „getäuscht“ hätt. Natierlech hunn ech dat gemaach! Ech hunn als Duebelagent seng politesch Frënn getäuscht, déi sowjetesch Geheimagenten, déi eis Sëcherheet an eis Fräiheet wollten sabotéieren. Dat den Här Bausch doriwwer rosen ass, dat kann ech verstoen. 

An dat ech an der Enquêtekommissioun op d’Noutwendegkeet vun der Diskretioun opmierksam gemaach hunn, ass jo wuel och kloer. Aus eegener Erfahrung wees ech, dat d’Aarbecht vun engem Geheimagent näicht Gemittleches ass. De Staat muss d’Liewen vun sengen Agenten schützen. An dat kann een nëmmen  wann een  – wéinst enger Rei vun ondiskreten Patréiner – wuel eng politesch Transparenz iwwer de Geheimdéngscht erméiglecht  awer keng Detailer vun Operatiounen a virun allem keng Identitéit vun Agenten matdeelt. Ech wees net wat de GRU mat mir gemaach hätt, wann e gewosst hätt, dat ech Duebelagent wor. Ech kann mer et awer denken.   

Ech sinn jiddefalls houfreg dropp als Offizéier an der Arméi an als Geheimagent am SREL gedéngt ze hunn. Dat wor eng patriotesch Flicht an ech hunn se erfëllt. Fir Fräiheet muss een kämpfen an och grouss Risiken huelen. An déi Risiken hunn ech geholl fir dat sou Leit wéi den Här Bausch kënnen  iwwer sou Leit wéi mech hiirfalen.

Bei denen Gréngen kennen ech keen, den jeemools eppes fir d’Sëcherheet vun onser Heemecht  gemaach hätt – ganz am Géigendeel!   Déi Gréng kommen aus der Ligue Communiste Révolutionnaire, aus dem MLF an aneren lénksradikalen Gruppéierungen. Hire Fraktiounschef am Europaparlament ass e Pädophilen.

Haut feieren déi Gréng hiren 30. Gebuertsdag. Eng gutt Geleeënheet fir sech endlech opzeléisen.

Fernand Kartheiser

Am Joer 1999 wor eis Lëtzebuerger Land nach gutt drunn. Trotz der CSV-Regierung huet de Bankesecteur eis duerch seng spektakulär Entwécklung iwwer  Waasser gehal. Hei ass en interessant Dokument aus dem Joer 1999 vum „European Industrial Relations Observatory“.

http://www.eurofound.europa.eu/eiro/1999/12/feature/lu9912120f.htm

Ech  zitéieren: „The public debt accounted for 4.6% of GDP in 1999, and inflation rose slightly, to 1.89% in the year to November 1999.  (…) The unemployment rate stood at 2.8% at the end of November 1999, with a total of 5,300 job-seekers.“

Vun 1999 bis 2013 woren déi Hären Juncker a Frieden haaptsächlech verantwortlech fir en dramatesche Verfall vun eiser economescher Situatioun!

De britesche Bausseminister William Hague huet den 31. Mee e Viirschlag gemaach, fir denen nationale Parlamenter nët nëmmen d’Recht op eng „giel Kaart“ ze ginn, wann si mengen, dat de Subsidiaritéitsprinzip verletzt ginn wär, mee souguer eng „rout Kaart“ fir sou Initiativen vun der Europäescher Kommissioun kënnen ze stoppen.

A mengen An ass dat e wichtegen an richtege Schrëtt an déi richteg Richtung. Ech denken, dat all national Parlament dat Recht misst hunn e Kommissiounsviirschlag vun Ufank un ze stoppen, och wann et alléng agéiert. Mir brauchen en Europa vun de Natiounen, a keen supranationalen europäeschen Federalstat!

http://www.bbc.co.uk/news/world-europe-22730226

An där éisterräichescher Zeitung « Der Standard » huet d’Madame Viviane Reding den 31. Mee en laangen Interview ginn, den et verdéngt méi genee gelies ze ginn.

http://mobil.derstandard.at/1369362296023/Reding-an-Orban-Die-Verfassung-ist-kein-Spielzeug

Mee ier ech iwwer den Interview e puer Kommentaren wëll lass ginn, denken ech, datt et sënnvoll ass un dem Här Frank Engel (CSV) seng Positioun iwwer Lëtzebuerg an Europa ze erënneren, wéi och un déi vun der Piratepartei. Iwwer dëss Positiounen gëtt et Artikelen op dësem Blog. Et schéngt leider an der Moud ze sinn fir eis Land wëllen ofzewäerten oder ganz ofzeschaafen. Wat mech ugeet, sinn ech frou fir an enger Partei ze sinn, déi iwwerhaapt net drunn denkt eist Land ofzeschaafen, mee déi, ganz am Géigendeel, fir en Europa vun de Natiounen plädéiert.

Iwwer Ungarn hunn ech och schonn e puer mol op dësem Blog geschriwwen, souwuel iwwer déi méi wéi gestéiert Relatiounen tëschent der Madame Reding an dem ungareschen Parlament, wéi och wat de Vergläich vun de Mësssstänn tëschent Lëtzebuerg an Ungarn ugeet.

Wat lo d’Madame Reding betrëfft ass si bekanntlech keng Persoun déi un allzevill grousser Modestie leide géng. Dofir iwwerrascht och net, dat si an dësem Interview net ausschléisst fir EVP-« Spëtzekandidatin » bei denen nächsten Europawahlen ze ginn. Déi däitsch Bundeskanzelerin Angela Merkel ass do mol jiddefalls retizent :

http://www.welt.de/politik/deutschland/article116736487/Merkel-will-der-EU-keine-Kompetenzen-mehr-geben.html

D’Madame Merkel ass net iwwerzeegt vun der Iddi vun engem direkt gewielten Kommissiounspresident, well den natierlech dann e ganz aaneren Pouvoir géintiwwer den Nationalstaaten hätt. Der Madame Reding hir Hoffnungen op sou eng Positioun bleiwen also wahrscheinlech lo mol Fantasmen.

Jiddefalls widdersprëcht d’Madame Reding sech well si seet: „Ich sehe die Kommisson als Regierung an“ an gläichzäiteg rappeléiert si, datt d’Kommissioun d'“Hüterin der Verträge“ ass. Abee, et steet néierens, an kéngem  Vertrag, datt d’Kommissoun  eng europäesch Regierung wär. Et gëtt och keen „EU-Gesetz“, wéi d’Madame Reding mengt därfen ze behaapten.  D’Madame Reding schéngt do hir Aufgaben a Kompetenzen ganz grondsätzlech falsch ze verstoen.

Och steet néierens dat e Justizbarometer sollt Deel vum Eurpäesche Semester sinn. dat ass alles eng Privatinitiativ vun der Kommissioun ouni den Accord vun de Memberstaaten. Dee Saz „Justizpolitik ist auch Wirtschaftspolitik“ erënnert eis drunn dat d’Logik vum Bannemaart permanent vun der Kommissioun an vum Europäeschen Parlament mëssbraucht gëtt fir Harmonsiéierungen am Stroof- an am Zivilrecht duerchzedrécken. Dat sinn Beräicher déi kënnen integral renationaliséiert ginn.

Emmerhin seet d’Madame Reding kloer, dat hir Zil e federalt Europa ass. E Konvent soll erreechen dat nei Vertragsännerungen schonn 2018 a Kraaft trieden. All Stëmm fir si oder den Här Engel ass also eng Stëmm géint d’Rechter vun eisem Land.