Déi konservativ Säit

Nodeem déi sozialistesch Parlamentsmajoritéit an Frankräich e Gesetz geschaaf huet, nodem verschidde Kanner sech net därfen ënner optimalen Conditiounen entwéckelen, huet lo déi Russesch Federatioun éicht Konsequenze gezunn.

Homosexuell Koppelen kënnen keng Kanner aus Russland adoptéieren.

„Meanwhile, the State Duma is drafting addendums to the   Family Code, which suggest banning foreign adoption by   homosexual couples. Presently, Russia bans homosexual   adoption inside the country. Children’s Ombudsman Pavel   Astakhov suggested prohibiting adoption of Russian orphans   by citizens of France, where homosexual marriages had   become legal.

“Clearly, we should undertake measures, as adoption by   homosexual families does not comply with our country’s   legislation,” Astakhov said.

Russia’s President Vladimir Putin announced if the   parliament adopted a law of the kind, he would sign it.“

http://www.itar-tass.com/en/c39/763888.html

Ech halen dat fir e richtege Schrëtt am Interessi vun de russeschen Kanner!

Aktualiséierung  (8.07.13):

Hei ass nach en Artikel den wuel jiddereen schockéiert, den sech fir d’Wuel vun de Kanner wëll asetzen:

http://kath.net/news/41939

D’Bommenattentater an den 80 er Joeren sinn an engem Kontext vun héiger internationaler Spannung geschitt.

An denen leschten Deeg vum Joer 1979 huet d’Sowjetunioun den Afghanistan iwwerfall a besat.

http://de.wikipedia.org/wiki/Sowjetische_Intervention_in_Afghanistan

Hei ass d’Reaktioun vum deemoolegen – vill ze schwaachen – amerikanesche President Jimmy Carter.

Déi Evenementer vun 1979 hunn sech zäitlech gedeckt mat där Diskussioun an Westeuropa ëm eng eventuell nuklear Norëschtung wéinst dem Deploiement vu sowjeteschen, nuklearen  SS-20 Rakéiten déi op Westeuropa geriicht waren.

Vill jonk Leit vun haut hu keng Aanung méi vun denen Fakten a kënnen net méi novollzéien wéi extrem gespaant déi politesch Atmosphär deemols wor. Déi sowjetesch 5. Kolonn am Westen woren natierlech virun allem déi kommunistesch Parteien an déi gréng Mouvementer, repektiv Parteien, déi ëm déi Zäit entstaane sinn.

http://de.wikipedia.org/wiki/F%C3%BCnfte_Kolonne

Niewent denen internationalen Spannungen gouf et och an Europa eng héig Intensitéit vun terroristeschen Akten, besonnech vu lénken Gruppen. Och am Terrorismus gouf et eng Rei vu Relatiounen mam Ostblock.

http://www.focus.de/politik/deutschland/raf/tid-5678/terrorismus_aid_55578.html

An dem komplizéierten Emfeld vun den 80er Joeren – Krich, Terrorismus, ferngesteiert „Friddensbewegungen“ –  wor et eng – sou wäit ech wees onbestridden – Tatsaach, dat d’Lëtzebuerger Regierung d’Verdeedegung vum Land total negligéiert huet. Souwuel d’Arméi wéi och d’Gendarmerie an d’Police haten bei wäitem net genuch Leit a Material fir an iergend enger Kriisesituatioun hiren Aufgaben kënne gerecht ze ginn.

Trotzdem kann ech mir net viirstellen, dat iergendeen an der Force Publique jemools op déi Iddi komm wär fir hei am Land Bommenattentater ze inszenéieren fir d’Effectiver vun de Corpsen an d’Luucht ze drécken. Dat widdersprëcht net nëmmen all militärescher Deontologie – vun de Gesetzer mol guer net ze schwätzen – mee déi international Spannungen an Europa wéi och déi terroristesch Menacen an enger Rei vun europäeschen Staaten woren deemools sou extrem héig, dat wuel keen Offizéier, egal aus wéi engem Corps, zu enger weiderer Destabiliséierung oder Veronsëcherung hätt wëllen bäidroen.

D’Mentalitéit an der Force Publique wor absolut loyal an disziplinéiert – eppes aanecht hunn ech ni gesinn oder erlieft.  Selbstverständlech hunn d’Offizéier sech iwwer déi vill ze schwaach Moyenen opgereegt, mee ech sinn iwwerzeegt dat keen vun hinnen hätt esou en Szenario wëllen duerchzéien wéie en am Abléck vu Verschiddenen an d’Welt gesat gëtt.

De beschte Beweis ass d’Presentatioun  vun denen Attentater – keng politesch Fuerderungen, keen reeëllen oder viirgetäuschten Terrorismus, mee eng Pseudo-Erpressung vun enger Elektrizitéits-Firma. Wann et drëm geet fir politesch Revendicatiounen duerchzesetzen, dann wor dat do eng bosseg Prozedur.

Et gouf menger Iwwerzeegung no hei am Land keng staatlech Struktur oder Unitéit déi mental an der Lag a wëllens gewiecht wär, fir sou Attentater ze organiséieren.  Ech kann mir och net virstellen, dat iergend eng constituéiert Unitéit an iergend engem vun denen dräi Corpsen oder am Geheimdéngscht op sou Methouden zréckgegraff hätt. Ech freeë mech, dat u  kenger vun denen Stay-Behind-Verschwörungstheorien iergend eppes drunn ass.

Als Motiv fir d’Attentater schéngt mir déi Theorie vun enger Erhéigung vun den Effektiver vun der Force Publique net glaafwierdeg ze sinn, obwuel, wat de Fong ugeet, novollzéibar.

Fir déi méi jonk Matbierger hei nach e Réckbléck op den Ufank vun den 80er Joeren. Duerch déi massiv Oprëschtung vun der Sowjetunioun mat nuklearen SS-20 Rakéiten, hat d’NATO déi sougenannten „Duebeldecisioun“ geholl, fir iwwer de Wee vun enger eventueller Norëschtung mat Pershing-Rakéiten an Cruise-Missilen d’Sowjetunioun dozou ze kréien fir hir Rakéiten nees ofzebauen.

Dat huet natierlech um lénken politesche Bord zu Widderstänn geféiert. Zu engem gudden Deel goufen  déi sougenannten „Friddensbewegungen“ vun denen ëstlechen Geheimdéngschter finanziell a personell ënnerstëtzt a gesteiert. Schlussendlech ass et der Noorëschtung vun der NATO ze verdanken, dat d’Sowjetunioun gezwonge gouf mat enger Oofrëschtung vun den nuklearen Mëttelstreckerakéiten averstaanen ze sinn. Si huet och mat dozou bäigedroen, dat d’Sowjetunioun un hiren economeschen Defizienzen zësummegebrach ass.

Well e puer Leit lo Theorien an d’Welt setzen fir meng Eier ze beschmotzen an hehaapten ech wär vum Här Juncker an d’ADR ageschleist ginn fir d’ADR futti ze maachen, hei e puer Präzisiounen. Gleewen kann jo souwisou jiddereen wat e wëll.

1. Ech wor nom Enn vum Kaale Krich net méi fir de Geheimdéngscht aktiv. Dat wor ëm 1989 oder 1990, haut si mir am Joer 2013. Déi lecht Chamberwalen woren am Joer 2009 – also ongeféier 19 bis 20 (!)  Joer nom Enn vu menger Aarbecht fir de Geheimdéngscht.

2. Bis haut hunn ech , sou wäit ech mech erënneren , weder mam Här Santer nach mam Här Juncker  iwwer meng Aarbecht vun deemools geschwat. Dat wor eng réng geheimdéngschtintern Geschicht. Ech bedaueren dat si publik gouf, an ech iwwerleeën mir ob ech kann wéinst Verletzung vun der Geheimhaltung  kloen.

3. Am Geheimdéngscht gouf et anscheinend Iwwerleeungen fir mech als Agent ze reaktivéieren. Dovun hunn ech awer näicht gewosst. Ob ech et gemaach hätt, wees ech net. Dat hätt vun der Missioun ofgehaangen. Jiddefalls hätt ech allerhéchstens Auslandsmissiounen gemaach a ganz bestëmmt keng bannepolitesch Missioun.

4. Den Här Juncker ass e Mann den ech fir verschiddener vu senge Qualitéiten respektéieren, mee mat dem ech politesch op ganz ville Punkten absolut net d’accord sinn. Ech geng mech weder vun him nach vun aneren fir iergend eppes manipuléieren oder mëssbrauche lossen.

5. Ech sinn an d’Politik gaangen, well am Joer 2008 probéiert gouf fir mech ze erpressen. Ech sollt mech net méi fir déi gescheeten Pappen asetzen, soss geng ech kuerzfristeg an d’Ausland versat ginn. Den Här Erpresser an séng (ganz héigrangeg) Hannerleit woren awer definitiv un där falscher Adress, well ech loosse mech net erpressen.

6. Ech sinn net an d’ADR ageschleist ginn, mee aus eegener a fräier Decisioun an déi Partei agetratt fir Politik ze maachen. Ech hat domadder e grousse perséinlechen a berufflechen Risiko op mech geholl. An d’Chamber gouf ech 2009 a fräier a geheimer Wahl vum lëtzebuerger Vollék gewielt. Als ADR-President gouf ech mat ganz grousser Majoritéit vun de Memberen a fräier a geheimer Wahl op engem Kongress gewielt. Den Här Juncker huet mir bei där éichter Kéier héchstwahrscheinlech keng Stëmm ginn (dat kann een natierlech nie wëssen :-)), a bei där zweeter Kéier ganz secher net. Ech geng dem Här Juncker  jiddefalls niimools meng Stëmm ginn.

7. Déi Grënn vu mengem Récktrëtt als ADR-President hunn ech op dësem Blog schonn e puer mol ugeschwat. Mir ass et drëm gaangen fir déi sozial Interessen vum Personal vun der Partei an der Fraktioun ze schützen, an engem Kontext wou zwee Deputéierten en ADR-Mandat matgeholl hunn an sech fir onofhängeg erklärt haten oder et maache wollten. Ech halen dat fir en absolut éierenhaften an novollzéibaren Grond fir mäi Récktrëtt. Iwwer déi Eierenhaftegkeet vum Verhalen vun aaneren Protagonisten an denen Wochen hunn ech awer déi allergréissten Zweifel. Dorop wëll ech awer op dëser Plaaz net zréckkommen.

8. Ob ech selwer wëll weider Politik maachen hunn ech nach net decidéiert. Wann ech nach eemol sollt mat an d’Wahlen goen, wär et jo och um Wieler fir dat ze decidéiern an net u mir. Et ass awer och méiglech, dat ech mech decidéieren fir an mäi Beruff zréck ze goen. (Den vum Diplomat natierlech…).

Op dësem Blog gouf och schonn e puer mol d’Genderideologie kritiséiert, déi virun allem vun dene Lénken an denen Gréngen virun gedriwwe gëtt.  Déi Lobbyen hannendrunn sinn dacks Homo- a Lesbeverbänn mee virun allem och déi extrem lénk Ideologien déi lo schonn bal zënter 130 Joer déi traditionnell Famill wëllen zerstéieren. Leider hunn si hir Zil lo sou gutt wéi erreecht, an dat mat der Komplizitéit vun der CSV déi all hir Iwwerzeegungen vu fréier verleegent a verroden huet, fir ze probéieren och nach um lénke Bord e puer Stëmmen ze fänken.

Besonnech déi Gréng kommen jo zu engem groussen Deel och aus dem MLF, enger militant männerfeindlecher Lesbebewegung, déi vun Ufank un ënner anerem och e Recht op d’Ermuerdung vun  ongebuerene Kanner gefuerdert huet.

Fir Leit déi wëlle gesinn, wéi eng Kategorie vu Leit a wéi eng Qualitéit vun Argumenter haut eis Gesellschaft regéieren ass hei e Beispill aus der Stad Hamburg. Et ass natierlech keen aus denen traditionnellen Parteien den de Courage huet mat denen lénksradikalen Fraen ze diskutéieren an zum Beispill d’Famill ze verdeedegen.

Ech soen dogéint: Schluss mat der Kapitulatiounsmentalitéit!