Déi konservativ Säit

Lëtzebuerg gëtt ëmmer manner demokratesch. De Skandal ëm déi verbueden Demonstratioun fir d’Famill vum 2. Februar 2014 ass dat rezentst Beispill.

Déi blo-gréng-rout Regierung wëll d’Homo-Bestietnis als eng vun hire Prioritéiten sou séier wéi méiglech duerch d’Parlament kréien an dobäi all prealabel ëffentlech Debatt sou wäit wéi nëmme méiglech evitéieren. Näischt fäert si nämlech méi wéi eng richteg, kontrovers a fundéiert Diskussioun ëm dat Thema, eng déi net bei iwwerflächlechen Argumenter stoe bleift mä eng déi och d’Nodeeler thematiséiert. Déi mannste Leit wëssen wat alles an dem Zësummenhank geplangt ass an wéi eng Entwécklungen no der Aféierung vum Homo-Bestietnis op eis Gesellschaft zoukommen.

E klenge Grupp vu Leit hat lo eng friddlech Demonstratioun op der Kinekswiss fir d’Famill a géint d’Homo-Bestietnis ugekënnegt. D’Madame Polfer – eigentlech eng liberal Politikerin- hat näicht aanecht ze dinn wéi déi Demonstratioun mat lächerlechen Argumenter ze verbidden. De Bréif vun de „Veilleurs“, den ech hei mat publizéieren, geet op déi Argumentatioun an.

Mir regen eis zu Recht  iwwer Mënscherechtsverletzungen an Osteuropa op an hei zu Lëtzebuerg gëtt eng Demonstratioun verbueden, well se der Lénkskoalitioun net passt. Aarme Lëtzebuerg!

Gläichzäiteg haten eng ganz Rei Leit direkt eng Géigendemonstratioun ugekënnegt. Och dat ass keen Zeechnes  vun engem demokratesche Geescht. Anscheinend bréngen déi Leit déi fir d’Homo-Bestietnis antrieden – wat hir gutt Recht ass – et net fäerdeg ze toleréieren, datt Leit déi eng aner Meenung hunn déi kënnen a Rou a friddlech ausdrécken.

Näicht a keen verbitt de pro-Homo-Bestietnis-Aktivisten eng Demonstratioun fir d’Homo-Bestietnis ze organiséieren. Si kënnen déi plangen, umëllen an fräi an ongestéiert ofhalen, sou gehéiert et sech an enger Demokratie. Mä firwat déi Leit aner Leit wëllen duerch e sougenannten „friddleche Spadséiergank duerch de Park“bei der Ausübung vun hiren demokratesche Rechter bewosst stéieren, ass fir mech net nozevollzéien. Déi déi Toleranz fir sech verlaangen sinn offensichtlech net bereed Aneren dat selwecht Recht zouzegestoen.

Wéi och ëmmer, d’Madame Polfer huet haut eiser Demokratie an eisem Land kee Gefale gemaach. An eisem Land hunn totalitär Allüren keng Plaz!

Hei de Bréif vun de „Veilleurs“ („aujoud’hui“ ass den 31. Januar 2014):

„Chers amis,

Le Bourgmestre de la Ville de Luxembourg nous a informés aujourd’hui, suite à une décision prise le 28 janvier, du REJET de la « demande de manifestation/évènement dans l’espace public » que nous avions pourtant déposée le 22 janvier.

Deux motifs sont avancés pour justifier son refus :

1)… il s’agit d’un évènement privé et il n’est pas possible de mettre l’espace public à disposition à des fins privatives ;

2) l’organisation d’un tel évènement avec les conditions météorologiques actuelles endommagerait  les pelouses.

S’agissant du premier motif, les termes de la demande d’autorisation, s’ils ne mentionnaient pas (ils n’avaient pas à le faire) les manifestations LMPT françaises et belges du 2 février, ne pointaient pour autant nullement vers un évènement « privé » :

Le titre de la « manifestation »  était « RASSEMBLEMENT DES FAMILLES », et non pas « goûter d’anniversaire » ni « réunion de famille » ni même « rassemblement familial », qui aurait pu prêter à confusion.

L’objectif de la manifestation était « RASSEMBLER DES FAMILLES POUR DES ACTIVITES LUDIQUES ET UN GOÛTER AFIN DE PROMOUVOIR LA FAMILLE ».

Si les mots ont un sens, rassemblement DES familles pointe vers un évènement « public », et AFIN DE PROMOUVOIR LA FAMILLE ne peut que renforcer cette indication. Quant aux précisions ACTIVITES LUDIQUES ET GOÛTER, elles ne jouent aucun rôle pour qualifier de privé ou de public l’évènement.

Nous regrettons l’interprétation, à notre avis indûment restrictive, qui fut faite de la demande d’autorisation et le fait que, après avoir pris sa décision de refus le 28 janvier sans concertation, la Ville de Luxembourg n’ait transmis sa décision que par courrier postal du 30, reçu aujourd’hui 31 janvier. Contactée aujourd’hui, la Ville de Luxembourg a indiqué ne pas pouvoir proposer de lieu de remplacement.

En conséquence, le rassemblement des familles n’aura pas lieu à Luxembourg ce weekend.

MAIS CE N’EST QUE PARTIE REMISE ET NOTRE ENTHOUSIASME RESTE INTACT !!!! Nous vous proposerons prochainement de nouvelles activités qui permettront au débat de s’engager.

Le RASSEMBLEMENT DES FAMILLES de Luxembourg s’exporte donc ce week-end à BRUXELLES et à PARIS. TOUS A BRUXELLES ET PARIS POUR SOUTENIR LA FAMILLE ET DEFENDRE LE DROIT DE L’ENFANT A AVOIR UN PAPA ET UNE MAMAN. VENEZ AVEC VOS DRAPEAUX LUXEMBOURGEOIS.

Un covoiturage s’organise, afin que le maximum de personnes puisse participer. Restez connectés.

On ne lâche toujours rien, jamais, jamais“

Déi lénk-gréng Zäitschrëft WOXX huet haut, dem 31. Januar 2014, ënner dem Titel „La bête brune se réveille“ ën Artikel publizéiert, den alt nees weist, datt déi politesch Lénk méi um Polemiséieren an um Polariséieren interesséiert ass wéi un der politescher Diskussioun.

Op déi Internet- a facebooksäiten rondrëm d’Lëtzebuergescht, déi an dene leschten Deeg sou vill kommentéiert goufen, well ech am Abléck net weider agoen. Just awer ee Wuert iwwer déi Manéier vun där lénker Zäitschrëft fir Leit ze diffaméieren déi aanescht denken wéi si.   

Ech wiere mech decidéiert géint déi Banaliséierung vum Nationalsozialismus déi d’Konsequenz vun där vill ze vill séierer Diffaméierung vu politeschen Opponenten als „bête brune“ bedeit. Wann herno jiddereen den hei am Land riets vun där mëtt-lénker CSV steet, als „brong“ bezeechent gëtt, sou weist déi Tendenz op enorm Defizienzen bei der politescher Analys, jo, der politescher Bildung hin. Mir verléieren hei am Land ëmmer méi dee klenge Rescht  vun där leider schonn ganz limitéierter Diskussiouns- an Differenzéierungskultur déi mir nach haten.  Wann hannert sou Artikelen ausser Onwëssen an Onverméien ieren och nach eng Absicht stëcht, dann kënnt eng grouss Gefor fir eis Demokratie aus dem lénken Eck.  

Jiddereen den patriotesch, chrëschtlech, konservativ oder soss op eng Manéier denkt déi dem „politesch korrekten“ Eenheetsschema vun dene Lénken net an de Krom passt, gëtt wëll als „Rietsradikale“ bezeechent, als „bête brune“ déi muss bekämpft ginn. Eng Diskussioun ass net méi erwënscht, just nach den verbale Krich. 

An dem WOXX-Artikel ginn dann och Leit déi géint d’Homosexuelle-„Bestietnis“ sinn,  global als „homophob“ duergestallt, obschonns et eng Abberzuel vun éichtklassegen Argumenter géint déi gesellschaftlech Entwécklung gëtt déi näicht mat enger „Angscht virun Homosexuellen“ (Homophobie) oder ieren enger anti-homosexueller Astellung ze dinn hunn.  Mä och hei gëllt: léiwer diffaméieren wéi diskutéieren, léiwer discreditéieren wéi discernéieren.   

Ech ginn de Sonndeg op d’Kinnekswis net nëmmen well ech aus ville gudde Grënn géint d’Homosexuelle-„Bestietnis“ sinn, mä och well ech nach fir d’Fräiheet hei am Land well astoen: d’Fräiheet fir därfen aanecht ze denken, d’Fräiheet fir därfen fir chrëschtlech Prinzipien anzestoen,  d’Fräiheet fir eng lieweg a pluralistesch Demokratie ze verdeedegen.

Et det mer leed, WOXX, ech loosse mech net vun diffaméierende Kommentaren vu mengen Iwwerzeegungen ofbréngen.

Hei eng Informatioun vun de „Veilleurs“:

„Chers amis,

          Le 2 février ce sont pas moins de 10 villes et capitales européennes qui seront là pour porter haut les couleurs de la FAMILLE: Paris, Lyon, Madrid, Varsovie, Rome, Bruxelles, Bucarest, Budapest, Riga et LUXEMBOURG! Mais la mobilisation sur ces valeurs universelles dépassera aussi les frontières de l’Europe avec des rassemblements prévus à Buenos Aires, Hong Kong et Taiwan!

          La FAMILLE est plus que jamais une valeur universelle et elle n’a jamais eu autant d’importance que par temps de crise, car la cellule familiale est la structure sociale de proximité par excellence! Défendons notre modèle de société, défendons la Famille! Ce sera aussi l’occasion de réaffirmer notre refus de cette société déshumanisée que l’on nous promet: NON à la PMA, NON à la GPA, NON à la marchandisation du corps humain! NON au brouillage des repères: un enfant aura toujours besoin d’un Père et d’une Mère pour se construire!

          Alors pas question de louper ce grand RDV: on vous atttend tous pour ce rassemblement familial et festif le dimanche 2 février de 15h à 17h, au Kinnékswiss à Luxembourg-ville, grande esplanade verte située à deux pas du Glacis.

Au programme :

• 15h-16h : Défi familial et sportifpour les « actifs » de tous âges et ateliers d’argumentationpour les « intellectuels »
• 16h-16h15 : Discours sur le sens et la portée de notre engagement.
• 16h15 – 17h : « Vin et chocolat chauds pour tous »
• Au-delà, pour les volontaires, Veilleurs Debouts – Sentinelles

Merci de venir :

• avec des drapeaux de vos pays pour marquer la dimension internationale de l’événement
• des tenues colorées, des ballons, des banderoles au couleur bleu et rose
• des thermos de vin et chocolat chauds à partager.

Nous comptons sur votre présence ! Merci de diffuser largement autour de vous !

ONLRJJJ,

veilleurs.lux

lux_veilleurs“

Datt d’Lénkskoalitioun wëll aus dem Homo-„Bestietnis“ eng politesch Prioritéit maachen, gouf also haut nees an der Chamber confirméiert.

http://www.rtl.lu/letzebuerg/505937.html

Wat mech awer dorunner besonnesch stéiert ass, datt ausgerechent och nach en CSV-Politiker de Rapporteur vun dem Gesetz ass. D’CSV ass definitiv an d‘ Orientéierungslosegkeet gefall. Si hätt kënnen, wéi si et lo beim Auslännerwalrecht probéiert, och an dësem Dossier no de Walen zréckrudderen. Dat mecht si awer net an verréit léiwer och weiderhinn den „C“ an hirem Numm. Den „C“ steet nun eemol net fir „Centrum“, wéi verschidden CSV-Leit aus der zweeter an der drëtter Rei et wellen propagéieren, mä fir genee déi chrëschtlech idealer vun denen si an hirer Politik näicht méi wëll wëssen. Personell Féierungskris an inhaltlech Orientéierungslosegkeet – d’CSV ass eng Partei déi am Abléck alles anecht wéi attraktiv ass!  

Ech freeë mech jiddefalls, datt wéinstens d’ADR dem Homo-Bestietnis mat Adoptiounsrecht negativ géintiwwer steet. Géif et déi Partei net ginn, hätten d’Famiilljen an d’Kanner e wichtegen Affekot manner.

De Sonndeg, den 2. Februar ass vun 15.00 bis 18.00 eng Demonstratioun fir d’Famill op der Kinnékswiss an der Stad. Et si franséisch Matbierger déi dëss Manifestatioun organiséieren. Hinnen dofir e ganz häerzlechen Merci!  

Iwwer d’Eurokris gëtt a leschter Zäit net méi vill geschwat, well vill Leit de Sujet virun den Europawalen am léifsten wéilten an den Tirang leeën. Mee direkt no de Walen ass déi Problematik net méi ze ënnerdrécken. Soulaang – virun allem – déi südeuropäesch Economien hir Competitivitéit net rëmkréien, ass dën Euroraum – a senger aktueller Compositioun – net ze halen.

Laang Zäit gouf  behaapt mir hätte keng Eurokris, mä „just“ eng Scholdekris. Dat ass nëmmen zu engem Deel richteg. Den Euro selwer ass eng Fehlconstructioun, seng Stabilitéitscritèren ginn net agehal a mir maachen näicht aanecht wéi d’Economien vun denen nach stabile Länner permanent ze schwächen fir eng Währung ze retten déi an hirer aktueller Form net ze retten ass. D’Aféierung vum Euro huet iwwer d’Reductioun vun den Kreditzënsen a Südeuropa d’Scholdekris mat provozéiert.

Fir vill Politiker läit d’Léisung vum Problem an der Schaafung vun engem europäesche Federalstaat géint de Wëllen vun ganz villen – vläicht denen meeschten –  Leit an enger Communautariséierung vun de Scholden.

Sou Iddien féieren menger Meenung no nëmmen zu nach méi Sträit an Europa. D’Steierbezueler an dene méi räiche Länner – also och hei zu Lëtzebuerg – sollen den, gemooss un hirer Wiertschaftsleeschtung,  zevill héige Liewensstandard vun de Südeuropäer bezuelen. Dee Modell ass fir mech net akzeptabel!  Dem Här Juncker séng „Eurobonden“ si genee dat – eng total falsch verstaanen Solidaritéit op eis Käschten amplaatz de Wee zréck an déi economesch a finanzpolitesch Vernonft!

Ee vun dene grousse Spezialisten vum Euro ass den däitschen Professer fir Economie, Hans-Werner Sinn.

http://de.wikipedia.org/wiki/Hans-Werner_Sinn

Et lount sech wierklech dësen Interview mam Här Professer Sinn ze kucken, genee sou wéi et dowäert ass säi Buch „Dier Target-Falle“ ze liesen.

Déi politesch lénk Zäitschrëft „Revue“ (01/2014) huet Problemer mam Souverän vun dësem Land – dem lëtzebuerger Vollék. De Leetartikler schéngt Angscht virum ugekënnegte Referendum iwwer d’Auslännerwalrecht ze hunn. D’Sondagen schéngen nämlech dropp hinzeweisen, datt eng Majoritéit vun de Lëtzebuerger géint d’Auslännerwalrecht ass. Also, mengt de Revue-Journalist, misst d’Regierung „noch eine Menge Aufklärungsarbeit leisten“.

Domat wëll d’Revue eigentlech soen, datt e Koup Steiergelder soll doran investéiert ginn fir d’Lëtzebuerger ëmzestëmmen. Datt am Kader vun engem fairen Referendum eigentlech déi zwou Säiten – Pro a Contra – déi selwecht Mëttelen fir eng Informatiounscampagne sollten zur Verfügung hunn fir jidderengem eng objektiv Meenungsbildung ze erméiglechen, dovun wëll d’Revue näicht wëssen. Si wënscht sech eng eesäiteg staatlech Propaganda. Eng Astellung déi sëcher net ontypesch fir déi souwisou staatlech gegängelt lëtzebuerger Press ass, a vläicht och eng Positioun déi kommerziell interesséiert ass. Grouss staatlech Annoncen bréngen nun eemol och Geld.

Vun engem Organ vun der Press – dem theoretesch véierte Pouvoir am Land  – geng ech mir jiddefalls eng kritesch Distanz vis-à-vis vun der Regirung wënschen a net den aarmséilege Ruff no massiver Staatspropaganda.

Interessant ass och, datt d’Revue gläich behaapt, datt all Argument géint d’Auslännerwalrecht entweder „populistesch“ ass, oder „emotional“, oder „polemesch“. An dat bei enger Diskussioun an där d’Géigner vum Auslännerwalrecht nëmmen dat vertrieden wat bal all Land op der Welt genee sou gesäit! Wen verdréint dann hei d“Wouerecht?

D’Auslännerwalrecht huet a Wierklechkeet zwee grouss Affekoten hei am Land: d’Géigner vun der Fonction Publique an déi, déi mengen datt si vun de Stëmmen vun den Auslänner kéinte majoritär profitéieren, also virun allem d’LSAP mat der Hëllef vum OGBL. An d’Revue ass  nun eemol e wichtegen Deel vun der LSAP-OGBL Presslandschaft. Si vertrëtt hei net d’Interessien vun hire Lieser, si informéiert net, mä si stellt sech an den Déngscht vum „parti ami“. Well mat engem „demokratischen Nachholbedarf“ huet d’Auslännerwalrecht näicht ze dinn, mat den egoisteschen Muechtusprëch vun enger LSAP awer emsou méi!

Déi Gréng maache jo gär sou als hätten si de Naturschutz erfonnt a wéi wann et virun hinnen sou eppes guer net ginn hätt. De Begrëff „nohalteg“ droen séi dobäi als hir Monstranz virun sech hir.

En intellektuell Eegentum dorop hunn si awer glat a guer net, wëll de Begrëff „nohalteg“schonn vun engem Adelegen am fréien 18. Joerhonnert – sou wäit nopréifbar – erfonnt gouf:

http://science.orf.at/stories/1730944/

Déi Gréng woren an hirer Ufankszäit a sinn zum Deel bis haut virun allem dräi Saachen:

– eng „Friddensbewegung“ déi sech de facto als 5. Kolonn vun der Sowjetunioun constituéiert huet, also net de Fridden gefördert mä dem Feind aktiv gehollef huet;

– eng Pro-Ofdreiwungsbewegung déi sech also dem Embréngen vun ongebuerene Kanner verschriwwen huet a bis haut Milliounen vu Kanner um Gewëssen huet;

– eng Anti-Atombewegung déi den economeschen a wëssenschaftlechen Interessien vum Westen „nohalteg“ schued.

Wéi gutt, datt déi Gréng endlech an enger ganzer Rei vu Länner zréck ginn!

Zu Lëtzebuerg gëtt d’Politik jo meeschtens aus dem Bauch raus gemaach a sielen opgrond vu rationalen Interessenofweiungen. E gutt Beispill dofir ass ass déi blann Eurointegratiounseuphorie déi a ganz Europa alléng nach hei zu Lëtzebuerg kultivéiert gëtt. All déi aner kucken virun allem no hire nationalen Interessen, iwwerdeems mir Lëtzebuerger bal alles wat eis national Souveränitéit ausmecht gedanken- a verantwortungslos am Numm vun iergendwellechen, iwwerlieften europäeschen Utopien wëllen afferen. Déi Naivitéit, Engstiernegkeet a Kuerzsiichtegkeet  mat där an dësem Land joerelaang  Europapolitik bedriwwe gouf, musse mir haut ganz deier bezuelen.

Nom leschten Europäesche Rot am Dezember 2013 zu Bréissel, huet den Här Bettel behaapt, hien wär zu Bréissel ënner staarkem Drock gewiescht, well schonn vum Här Juncker zougesot gi wär, datt bis Dezember 2013 déi nei Zënsbesteierungsdirektiv sollt ugeholl ginn.  Dofir wär zwar d’Ufänke vu Verhandlungen mat fënnef Drëttstaaten néideg gewiecht, mä et hätt keng Resultatsverflichtung ginn. Ass dat sou?

Dën Här Frieden, den a séngem desastréisen Interview am Abrël 2013 onnéidegerweis den Androck vermëttelt hat, datt Lëtzebuerg geng Konzessiounen am Beräich vun der Zënsbesteierung maachen  – ob wëllentlech oder net sief mol dohi gestallt – http://www.europaforum.public.lu/fr/actualites/2013/04/gouv-fiscalite-epargne/index.html hat dono am ECOFIN vum 14. Mee jiddefalls nach eng kohärenzt Positioun vertrueden: http://www.mf.public.lu/actualites/2013/05/frieden_ecofin_140513/index.html

„En matière de fiscalité, le Conseil Ecofin a adopté à l’unanimité le mandat de négociation avec les 5 pays tiers. Dans son intervention au Conseil, Lux Frieden a insisté sur le fait que le Luxembourg a toujours accordé une grande importance à la lutte contre l’évasion et la fraude fiscale. Même si la retenue à la source reste, selon lui, un système plus efficace pour atteindre cet objectif, le gouvernement luxembourgeois a pris en compte les développements internationaux récents qui indiquent que l’échange automatique est le standard international dans la lutte contre l’évasion et la fraude fiscale. Or, afin que ce standard soit appliqué de manière efficace, il est primordial d’en assurer une large application géographique sauvegardant la compétitivité de l’économie européenne. C’est ce que le ministre appelle le «level playing field» entre les importantes places financières en Europe d’une part, mais dans le monde également, d’où l’importance de la référence à ce standard dans le dernier communiqué du G 20. Dans ce but, le Luxembourg et l’Autriche ont obtenu l’insertion dans ce mandat de l’échange automatique d’informations comme objectif de la négociation. Ils ont également accepté que le texte du projet de directive élargie serve de base de négociation sans que le texte soit formellement approuvé. Une fois les négociations achevées, le Conseil Ecofin pourra formellement adopter cette directive et ainsi assurer le «level playing field» avec les 5 pays tiers. Pour ce qui est de l’initiative pilote des cinq grands États membres en matière d’échange automatique d’informations, le Luxembourg en partage l’objectif politique de développer un système cohérent d’échange automatique d’appliquant à l’échelle géographique aussi large que possible. Le ministre des Finances a finalement annoncé la signature fin mai à Paris lors de la réunion ministérielle de la convention de l’OCDE concernant l’assistance administrative mutuelle en matière fiscale.“

An dësem Text vum 14. Mee  gëtt also nach gesot „une fois les négociations achevées“ – also huet Lëtzebuerg den Abléck nach op eng Resultatsobligatioun insistéiert.

An de Conclusiounen vum Europäesche Rot vum 22. Mee 2013, wou Lëtzebuerg duerch den Här Juncker vertruede gouf, feelt déi Resultatsobligatioun op eemol. Huet an dem wichtegste Ponkt fir Lëtzebuerg op dësem Rot (10 b)  da keen op déi Formuléierungen opgepasst? Oder ass dem Här Juncker säin Euroenthusiasmus nees mat hirm duerchgaangen? Wollt hien nees méi helleg sinn wéi de Poopst an dat op Käschten vun der Finanzplaz Lëtzebuerg, hiren Aarbechstplazen an hire Produiten?

„II. FISCALITÉ

10. Il importe de prendre des mesures effectives pour lutter contre la fraude et l’évasion fiscales, en particulier dans le contexte actuel d’assainissement budgétaire, afin de protéger les recettes et de garantir la confiance du public dans l’équité et l’efficacité des systèmes fiscaux. Il convient, en la matière, de consentir des efforts accrus et de combiner des mesures prises au niveau national, européen et mondial, dans le respect total des compétences des États membres et des traités. Rappelant les conclusions adoptées par le Conseil le 14 mai 2013, le Conseil européen demande que des progrès soient accomplis rapidement sur les points suivants:

a) la priorité sera accordée aux efforts visant à étendre l’échange automatique d’informations au niveau de l’UE et au niveau mondial. Au niveau de l’UE, la Commission compte proposer en juin des modifications de la directive relative à la coopération administrative afin que l’échange automatique d’informations couvre une gamme complète de revenus. Au niveau international, sur la base des travaux en cours dans l’UE et de la dynamique récemment créée par l’initiative prise par un groupe d’États membres, l’UE jouera un rôle déterminant dans la promotion de l’échange automatique d’informations afin que celui-ci devienne la nouvelle norme internationale, en tenant compte des dispositifs existants au niveau de l’UE. Le Conseil européen se félicite des efforts menés actuellement dans le cadre du G8, du G20 et de l’OCDE afin de mettre au point une norme mondiale;

b) la suite de l’accord intervenu le 14 mai 2013 sur le mandat visant à améliorer les accords de l’UE avec la Suisse, le Liechtenstein, Monaco, Andorre et Saint-Marin, les négociations commenceront dès que possible afin que ces pays puissent continuer à appliquer des mesures équivalentes à celles qui sont en vigueur dans l’UE.

Compte tenu de ce qui précède et prenant note du consensus sur le champ d’application de la directive révisée sur la fiscalité des revenus de l’épargne, le Conseil européen a demandé que son adoption intervienne avant la fin de l’année; (…)“

A wen hat déi Passagen sou formuléiert? Déi grouss Länner zësummen mat der Kommissioun an dem Generalsekretariat vum Conseil? Fir mech ass net ze verstoen, dat de lëtzebuergesche Premier den do Passage net ëmschreiwe gelooss huet. Am Dezember 2013 gouf den Här Bettel lo mat dë Konsequenzen vum Här Juncker senger – wahrscheinlecher –  Liichtsënnegkeet vum Mee confrontéiert.

Déi wichtegst Conclusioun ass déi, dat Lëtzebuerg endlech nees muss léieren fir sech net méi op iergendwellech Bréisseler Verwaltungen ze verloossen, mä seng eegen Interessien resolut mat senger eegener Diplomatie ze vertrieden. Déi lëtzebuergesch Regierung muss déi Formuléierungen aus de Conclusiounen vum Europäesche Rot vum Mee 2013 als dat entlarven wat se sinn: eng onéierlech Verdréinung vum de Conclusiounen vum ECOFIN vum 14. Mee.

An dem Sënn ass dat wat den Här Bettel am Ponkt 27 vun de Conclusiounen vum Europäesche Rot vum Dezember 2013 verhandelt huet, net méi wéi eng kleng Paus:

„S’appuyant sur la dynamique qui existe en faveur d’une plus grande transparence dans le domaine fiscal, le Conseil européen invite le Conseil à parvenir au début de 2014 à un accord politique unanime sur la directive relative à la coopération administrative. Il demande que les négociations menées avec les pays tiers européens soient accélérées et invite la Commission à présenter un rapport de progrès lors de sa réunion de mars. Sur cette base, la directive révisée en matière de fiscalité des revenus de l’épargne sera adoptée d’ici mars 2014.“

D’Verhandlungen sollen „acceléréiert“ ginn, an dat nach ëmmer ouni obligation de résultat!

Dat do geet net duer, Här Bettel! Gitt an d’Offensiv!

Op dësem Blog gouf scho méi dacks kritiséiert, datt d’ASTI probéiert objektiv an iwwerpréibar Tatsaachen am Zësummenhank mat Auslännerfroen an der Immigratiounsproblematik systematesch ze ënnerdrécken, wann se net an hire Konzept passen. D’ASTI probéiert leider ëmmer nees d’Lëtzebuerger déi offensichtlech Problemer uschwätzen – och wann dat an aller Objektivitéit an ouni all Xenophobie geschitt – als rassistesch ofzestempelen. Dat gëtt z.B. besonnesch däitlech wann et em d’Thematiséieren vun der Auslännerkriminalitéit geet. An Däitschland gëtt et fir äquivalent Procederen zu dëser ASTI-Taktik den Ausdrock „Rassismus-Keule“.

De Moien hunn ech d’ASTI-Zeitung „astinfo“ Nr. 19 vun 2012 mol nach eemol gekuckt an där et ëm déi Initiativ „Making Luxembourg“ goung.

Do goufen als xenophob scho Sätz beschriwwen wéi déi hei: „Les étrangers ne s’intègrent pas“ an „Les demandeurs d’asile font du tourisme à nos frais„. An d’ASTI huet sech zur Aufgab gemaach de „contrer ces propos„. (Säit 2)

Gutt, déi zitéiert Sätz sinn onzoulässeg Generaliséierungen, dat ass evident, mä si referéieren sech allen zwee op  ganz reëll Problemer. Den Asyltourismus ass eng Tatsaach genee sou wéi dat et vill Auslänner hei am Land gëtt, déi absolut keen Integratiounswëllen hunn. Dat een muss séng Aussoen nuancéieren ass kloer, dat een awer wëll sou Meenungen „contréieren“ amplaatz sech mat denen ugeschwaatenen Problemer ze befaassen ass net nëmmen e falschen Usaz mä virun allem en Agrëff an d’Meenungsfräiheet.

D’ASTI soll sech iwwerleeën, ob si wëll d’Auslänner doduerch ënnerstëtzen, datt si fir hir Integratioun an eiser Gesellschaft verantwortungsvoll mat suergt oder ob si hir Aufgab dora gesäit de Kritiker wëllen de Mond ze verbidden an d’Lëtzebuerger ëmmer méi dacks an ëmmer méi liichtfankeg als Rassisten ofzestempelen.

Am Hierscht 2013 hunn de „Conseil économique et social“ (CES) an de „Conseil supérieur du développement durable“ (CSDD) hir Propositioune gemaach fir e neien „PIBien-être“ ze rechnen. Wéi ëmmer hautesdaags gëllt et bei sou Saache viirsiichteg ze sinn: ginn lo net och d’Statistik an d’Economie mëssbraucht fir gesellschaftspolitesch Fuerderungen ze stellen? Gëtt lo net nees d’Vertrauen vun de Leit an d’Objektivitéit an d’Zouverlässegkeet vu wëssenschaftleche Methouden  iergefouert fir eng lénk Agenda duerchzesetzen? Et gesäit jiddefalls dono aus!

Déi zwee Gremien sinn an der Effentlechkeet kaum bekannt, besonnesch de CSDD kennen am Land héchstens e puer honnert Leit. Nom Artikel 4 vum Gesetz vum 25. Juni 2004 iwwer den „développement durable“ ass dee Gremium näicht aanecht a net vill méi wéi en Diskussionsforum: 

http://www.legilux.public.lu/leg/a/archives/2004/0102/a102.pdf#page=2

“ Art. 4.

1. Le Conseil Supérieur a pour mission:

a) d’être un forum de discussion sur le développement durable;

b) de proposer des recherches et études dans tous les domaines ayant trait au national que le Gouvernement lui soumet. (…)“

En ass aus 15 Perséinlechkeeten zësummegesat vun denen der op d’mannst e puer eng oppe gréng politesch Tendenz  hunn. Aner Memberen hunn zwar zum Deel ganz gutt akademesch oder berufflech Qualifikatiounen, mee et feelt u konservativen Politiker fir e Géigegewiicht zu dem gréngen Afloss an dem Gremium duerzestellen. Sou kënnt et dann och zu ganz tendenziösen „Avisen“ vum CSDD.

Déi Propositiounen iwwer de „PIBien-être“ sinn dohir och net neutral mee ganz kloer politesch lénks.  Hei ass den Text:

http://www.ces.public.lu/fr/actualites/2013/11/pibienetre/avis-commun-ces-csdd-pibien-etre.pdf

Zu den „Indicateuren“ gehéiert de „Nombre de votants en pourcentage de la population en âge de voter“ also d’Thematik vum Auslännerwalrecht! Wéi wär et dann wann déi Leit déi sech besser spieren wann se därfe wiele goen, génge Lëtzebuergesch léieren an eis Nationalitéit unhuelen?

Bei der „Connaissance et utilisation du luxembourgeois, du français, de l’allemand et/ou de l’anglais“ gëtt et keng Präferenz fir eis Nationalsprooch als Integratiounssprooch.

Bei den „Ecarts de salaires hommes-femmes“ ginn all déi Secteuren ausgeklaamert, wéi z.B. de Staat an déi international Organisatiounen, wou d’Fraen wéi d’Männer dem Gesetz no d’selwecht bezuelt ginn. A bei denen private Betriber ginn“échantillonen“ geholl… vive d’Manipulatioun!

Dat Mamm oder Papp sinn e Beruff wéi en aneren ka sinn wann een sech senger Famill ganz dediéiert, kënnt  an der Gedankewelt vun CES oder CSDD net vir. Et gëtt gerechent wéi den „Taux d’emploi des femmes ayant des enfants en âge de scolarisation“ ass. Zwangsaarbecht dobaussen amplaatz Erzéiungsaarbecht doheem – de lénke Programm eben!

An da gëtt et nach sou objektiv Critèren wéi z.B. „Sentiments de discrimination“ den déi „part de la population qui considère que la société est discriminante“ soll beschreiwen. Ech fannen se jiddefalls och diskriminéierend, z.B. géint d’Pappen an Trennungs-oder Scheedungssituatiounen.

D’Conclusioun ass, datt de „PIB du Bien-être“ mat iergend enger econometresch seriöser Approche iwwerhaapt näicht ze dinn huet. Hei gëtt alt nees probéiert de Leit ënner dem usurpatoreschen Deckmantel vun enger Wëssenschaftsmimikri e lénke politesche Programm ze verkafen!