Déi konservativ Säit

Obwuel ech hei nëmme ganz sielen meng eege Rieden publizéieren, maachen ech haut awer eng Ausmahm. De Sujet ass mir einfach ze vill wichteg.

An der Chambersessioun vum 4. Juni hat ech kuerz d’Wuert ergraff fir géint déi aktuell Tendenz ze schwätzen, datt ëmmer méi Iwwerzeegungen oder Verhaalensweisen sollen duerch stroofrechtlech Bestëmmugen verbuede ginn. Déi Europäesch Unioun gëtt ëmmer méi zu engem totalitären Maulkuerfstaat den eis Fräiheet erstéckt.

Niewent der Xenophobie an dem Rassismus sollen och lo nach eng Rei vun anere Saache verbuede ginn, wéi z,B. „Homophobie“, „Transphobie“, Kritik un der Gendertheorie, eng „anti.Immigratiouns-Rhetorik“, asv. Verschidde Leit wëlle souguer d’Kritik un der Klimaerwärmungstheorie gesetzlech verbidde loossen.  U sech wëll déi lénk a gréng Szen gesetzlech duerchsetzen, datt hir Iwwerzeegungen déi eenzeg richteg sinn an dat all aaner Meenungen kriminell sinn an dowéinst musse verbuede ginn. Eis Meenungsfräiheet an d’Fräiheet vun der Wëssenschaft sinn domat a Gefor a wen se wëll verdeedegen muss net nëmmen déi lénk Parteien bekämpfen mä wuel och déi Europäesch Unioun ganz grondsätzlech reforméieren. Déi Europäesch Unioun soll e Wirtschaftsraum sinn, an de ganze Recht geet se näicht un.

Hei ass meng kuerz Interventioun. Si ass laang net perfekt, mä ëmmerhinn huet se de Mérite fir ze existéieren.

Haut hunn ech en oppene Bréif un den Här Aerzbëschof vu Lëtzebuerg geschéckt an dem ech hie gebieden hunn, Stellung am Numm vun der Kierch iwwer d’Homobestietnis ze huelen. Bis elo wor d’Kierch an där Fro opfälleg roueg.

Bei allem Versteesdemech fir déi aner Suerge vun der Kierch, vum Reliounsunterrecht, hirer Finanzéierung  bis hin zum Te Deum, kann ech awer weder verstoen nach akzeptéieren, datt d’Kierch an dene wichtegen ethesche Froen einfach de Mond hällt. Déi Absenz vun der Kierch huet wahrscheinlech domat ze dinn, datt d’CSV an all dëse Froen zu enger dezidéierter Lénkspartei ginn ass, déi alles wat chrëschtlech ass schänterlech verroden huet.

Eng Kierch déi awer net méi zu hirem Glaawe steet, verléiert hir Glaafwierdegkeet an domat all Chance op gesellschaftlech Unerkennung.

Kopien vun dësem Bréif hunn ech och un déi lëtzebuerger Press geschéckt. Ech géng mech awer wonneren, wann déi e géng ernimmen.

Hei ass den Text:

Bréif un de Bëschof Homobestietnis

No engem interessanten Wahlowend wéilt ech dann och mäi « Pefferkär » zu de Wahlanalyse bäidroen. Dat wichtegst vir : e ganz häerzleche Merci un jiddereen den menger Partei an och mir perséinlech säi Vertraue geschenkt huet!

Datt mir Lëtzebuerger hu misse bis 11 Auer op d’Resultat waarden ass méi wéi lächerlech. Do huet eis Gambia-Koalitioun sech nees virun dene federalen Dreem vun der EU-Kommissioun an de Stëps gehäit. Wat eng aarmséileg Regierung  hu mir dach!

Mam Wahlresultat vun der ADR sinn ech absolut zëfridden. Si gouf scho nees als déi fënneftstäerkst Partei am Land confirméiert a 7,53% si national wéi international gesinn e méi wéi éierbart Resultat. Dësst Resultat weist och, datt d’ADR sech nëmmen ënnerhalleft Joer nom Départ vun zwee Deputélierten komplett erholl huet. D’ADR ass zënterhir programmatesch gëeent a personell vill besser opgestallt. Dat si gutt Ausgangspositiounen fir d’Zukunft.

Bei dëse Wahlen ass villes geschitt : d’Kommunisten sinn als politesch Kraaft praktesch ganz verschwonnen : mat nëmme 1,49% leie si souguer nach hannert dem Här Colombera sénger integraler Cannabis-Sekt. Ob d’KPL bei dene nächste Wahlen nach eemol untrëtt ass alles anecht wéi sëcher. Déi kommunistesch Stëmme sinn e klengen zousätzleche Réservoir fir déi Lénk déi zësumme mat dene kommunistesche Stëmmen 7,25% erreecht hätt an domat bal sou staark wéi d’ADR gi wären.

D’Piraten sinn net vill méi wéi e Walveräin fir den Här Clement. International wäert déi Bewegung an dene nächste Joere souwisou progressiv verschwannen. Hir internetspezifesch Programmatik gëtt vun denen anere Parteien absorbéiert. Déi puer Leit déi bei hinnen en elektoral Gewiicht hunn ginn vun anere Parteien am lénke Spektrum opgeholl. Och wann d’Piratepartei lo als declaréiert Partei fir de Jonktem en temporären elektoralen Erfolleg konnten hunn, sou huet si awer strukturell zwee Nodeeler. Den éichten ass, datt si keng laangfristeg Perspektiven fir hir ambitiéis Politiker bréngt, déi sech also mussen eng aner politesch Heemecht sichen. An den zweeten ass, datt  och jonk Leit bekanntlech mat der Zäit méi al ginn. Bei dene nächste Walen sinn d’Piraten – sollten si dann nach do sinn – nees fënnef Joer méi al wéi hiren Elektorat.

Reng politesch-programmatesch gëtt et am Prinzip zu Lëtzebuerg nëmme sechs Parteien mat enger dauerhafter Existenzberechtegung:

CSV : chrëschtlech-sozial, LSAP : Sozialistesch, DP : Liberal, Gréng : ecologesch, Lénk : kommunistesch, ADR : konservativ, patriotesch.

D’Piraten, d’Cannabis-Sekt an d’Kommunisten (au sens strict ) sinn ideologesch irrelevant, wann och net stëmmeméisseg.

Déi negativ Säit ass dat gutt Wahlresultat vun der CSV. Negativ dowéinst, well et déi néideg selbstkritesch Analys vun der CSV behënnert. D’CSV wäert sech lo an hirer Ausriichtung net a Fro stellen wat hir an och dem Land schued. Si huet elektoral lo nach eemol vum Effet Juncker profitéiert, och natierlech vun der Gambia-Koalitioun mä de grondleeënde Problem vun der CSV bleift datt si hirer politeschem Optrag als chrëschtlech Partei iwwerhaapt net méi nokënnt.

Jiddefalls huet sech am Land vill bewegt, och wann déi sechs Gesiichter zu Stroosbuerg leider déi selwecht bleiwen, mat der Ausnahm vun dem altersbedéngte Wiessel bei der LSAP natierlech.

Europäesch gesinn gëtt et zwar wahrscheinlech nach eng federal Majoritéit am Parlament awer wuel kaum am Conseil. De François Hollande, den David Cameron an anerer mussen elo vill méi op hir national Interessien uechten. Den europäesche Federalismus ass also mol gebremst ginn, och wann ech mir perséinlech eng aner Manéier gewënscht hätt, fir dat Zil ze erreechen.

Wéi staark dem Här Juncker seng Akzeptanz an der EVP ass, muss een och nach gesinn. Op déi ungaresch Stëmmen kann hien jo wuel kaum zielen… Vläicht gëtt hien elo awer de Nofolger vum Här van Rompuy, den Här Schultz behällt d’Parlament an e Kompromësskandidat kritt d’Kommissioun. Qui vivra, verra !

Haut sinn ech op Texter a Riede gestouss, déi d’EU-Agence fir Fundamental Rechter (FRA) am Kader vun hirem Kampf géint dat wat si „Haasverbrieche“ nennt, publizéiert huet.

http://fra.europa.eu/en/press-release/2012/hate-crime-reality-eu-two-new-fra-reports-show

En „Haassverbriechen“ ass dobäi zum Beispill sou beschriwwen: „Violence and offences motivated by racism, xenophobia, religious intolerance, or by a person’s disability, sexual orientation or gender identity are all examples of hate crime, which harm not only those targeted but also strike at the heart of EU commitments to democracy and the fundamental rights of equality and non-discrimination.“

Eng „offence“ kann dobäi eppes relativ Harmloses a vollkomme Subjektives sinn: nom Dictionnaire z.B. en“Aergernis“, en „Anstoss“ etc.. D’Fro ass also wat elo Punkto Aschränkung vun der Meenungs- a Riedfräiheet nees op eis duer kënnt.

Enner italienescher Présidence soll lo en Aarbechtsgrupp geschaafe ginn. A senger Ried  ( http://fra.europa.eu/sites/default/files/salonicco_discorso_28_aprile_2014_final.pdf) sot den italieneschen Ambassadeur:

„In conclusion: Italy fully supports the establishment of a working group on hate crime composed by member states‘ authorities and we are very glad to announce that the first formal meeting of the working group will be held in Rome under the auspices of the Italian presidency.

• It is extremely important that an agreement is reached on minimum standards in Europe on combating hate crime.“

Interessant ass och datt dat Europäesch Parlament grad un engem Gesetz schafft, dat sougenannten „homophob“ (wat ass dat genee?) „offences“ (a wat kann dat an dem Zësummenhank wuel bedeiten?)  soll kriminaliséieren:

 „In addition, Parliament is also debating a bill that would criminalise homophobic and transphobic offences in conformity with Article 19 of the Treaty of the Functioning of the European Union (TFEU) and Article 21 of the Charter of the Fundamental Rights of the European Union.“

Soll da jiddereen, dee géint d’Homo-Bestietnis oder iergend wéini och géint d’Auslännerwahlrecht ass op Schraasseg? Gëtt et geschwënn nëmme nach eng erlaabte Meenung?

Ech hunn definitiv all Dag méi dat Gefill, datt d’EU sech vu Joer zu Joer méi an eng totalitär Richtung bewegt.

An enger Debatt op Chamber TV behaapt d’Madame Viviane Reding (CSV), datt d’Commissioun Lëtzebuerg just geng soen, datt et misst op den Index an d’Pensiounen „oppassen“. 

Hei ass de Link op de Video:

 http://visilux.chd.lu/ArchivePage/video/1283/sequence/52075.html

Der Madame Reding hir Behaaptung fënnt een vun 40:52 bis 41:57. A Wierklechkeet sinn der Commissioun hir Recommandatiounen äusserst konkret an an enger Zort vun diplomateschen Kommandotoun geschriwwen. Vun „oppassen“ kann een hei net méi schwätzen!

Fir datt jiddereen sech ka selwer e Bild maachen,  sinn hei d’Recommandatiounen vun der Commissioun zum Index an zum Pensiounssystem:

http://www.europaforum.public.lu/fr/actualites/2012/05/comm-recommandations/

Index:

„Si les autorités luxembourgeoises ont pris acte de la recommandation de la Commission de 2011 en adaptant de façon temporaire le système d’indexation des salaires, la Commission note qu’à partir de 2015, le mécanisme d’indexation automatique va de nouveau être appliqué normalement. Et, si l’alcool et le tabac ne seront plus pris en compte pour le calcul de l’index, tandis que les prix du carburant ne le seront que dans une certaine mesure, la Commission note que le gouvernement n’a pas l’intention de toucher au principe même d’indexation des salaires. Pour satisfaire complètement à la recommandation de 2011, le Luxembourg devrait pourtant prendre des mesures pour réformer le système de façon plus permanente, estime la Commission.

La Commission recommande de prendre de nouvelles mesures pour réformer, en consultation avec les partenaires sociaux et en respectant les pratiques nationales, les négociations salariales et le système d’indexation des salaires, l’objectif étant de préserver la compétitivité de l’économie luxembourgeoise à long terme. La première étape serait de maintenir l’intervalle d’un an entre deux indexations au-delà de 2014 et de réduire l’impact de l’énergie et d’autres éléments volatils dans l’index de référence, prescrit la Commission.“

Pensiounen:

„Aux yeux de la Commission, pour assurer la viabilité financière du système de retraite après cette réforme, il conviendrait d’augmenter de façon substantielle les taux de contributions après 2020 en plus d’une modération de l’adaptation des pensions aux standards de vie. Ce qui aurait pour conséquence une augmentation des charges sur le travail, et donc une perte de compétitivité. La Commission suggère donc d’introduire la limitation de l’ajustement des pensions en fonction des salaires réels envisagée pour après 2020 dans le cadre de la réforme en cours.

(…)  

La Commission recommande donc d’augmenter l’impact de la réforme proposée en accélérant la mise en œuvre des mesures qui vont limiter les dépenses liées à l’âge, mais aussi de prendre des mesures additionnelles afin d’augmenter le taux de participation des travailleurs âgés, en particulier en réduisant la retraite anticipée. Le Luxembourg est aussi invité à prendre des mesures pour adapter l’âge légal de départ à la retraite à l’espérance de vie de façon à assurer la viabilité à long terme du système de pension.“

Offiziell ass d’CSV jo well géint d’Auslännerwalrecht, seet si mol. D’Realitéit ass awer eng ganz aner!

A Wierklechkeet huet en CSV-Member (Quell: de „Jeudi“ vum 15.5.14 ) eng Petitioun FIR d’Auslännerwalrecht an der Chamber eragereecht an d’CSV-Zeitung „Wort-online“ mecht och nach massiv Reklamm fir déi:

http://www.wort.lu/en/politics/petition-346-on-chd-lu-voting-rights-for-foreigners-petition-goes-online-53736e7eb9b39887080261a6

Am CSV-Wahlprogramm vun 2013 steet op der Säit 46:

„Wir werden innerhalb der EU aktiv für eine einheitliche Lösung werben, die allen EU-Bürgern die gleichen politischen Rechte in Europa einräumt.“

Dat heescht, datt d’CSV fir e federalt Europa antrëtt an iwwer dee Wee d’Auslännerwahlrecht hei zu Lëtzebuerg wëll aféieren. Bis elo huet d’CSV sech net och nach net vun där Fuerderung distanzéiert.

Den CSV-Kandidat Frank Engel wëll souguer, datt bei den Europawahlen Leit déi keng europäesch Biergerschaft hunn, kënne mat wiele goen:

 http://www.frankengel.lu/news/frank-engel-mpe-sur-alliance2013lu-au-sujet-des-%C3%A9lections-europ%C3%A9ennes

An ëffentlechen Diskussiounen vertrëtt den CSV-Kandidat Frank Engel och d’Theorie vum Walrecht fir Auslänner bei nationale Wahlen:

„Frank Engel (CSV, centre-droit) lui a fait écho en affirmant que « si la citoyenneté européenne peut servir à quelque chose, ça ne doit pas être juste sur un passeport ». Il défend l’idée de fournir des « attributs concrets » à la citoyenneté européenne, le droit de vote ne suffisant pas. Par exemple, il faudrait que les citoyens européens aient aussi le droit de vote aux élections nationales. Par ailleurs, « il faut une pleine participation politique ».“

 (Quell: http://aucafedeleurope.com/2014/04/09/elections-europeennes-2014-quelle-europe-voulons-nous-pour-2020/)

 Déi eenzeg Conclusioun déi ee kann aus dësen Elementer zéien, ass datt d’CSV a Wierklechkeet FIR d’Auslännerwahlrecht antrëtt. Déi eenzeg Partei op déi och an dëser Fro honnertprozenteg Verlooss ass, ass d’ADR! 

Op denen Table-rondes op déi d’Politiker dëser Deeg untrieden, muss een sech ëmmer nees Saachen unhéieren déi a krassem Widdersproch zur Wouerecht stinn. Besonnesch dem Här Turmes seng Aussoen kënnen een dacks nëmme verwonneren.

Hie behaapt jo dat Transatlantesch Partnerschafts- an Investitiounsofkommes TTIP géng „op den Tip“ gehéieren, an dat nach ier hien oder iergend en aneren d’Resultat vun de Verhandlunge kennt. Op där éichter RTL-Televisiounsdebatt hat ech hien drunn erënnert, datt seng gréng Parteikolleegen an der Chamber déi diametral opposéiert Positioun vertrieden, wat hien net wollt akzeptéieren (Zäit am Film: 1.16:54 bis 1: 18:05).    

http://www.rtl.lu/themen/europa_wahlen/533771.html

Hei ass zum Beweis de „Vade mecum“ vun der Chamber vum 11. Mäerz 2014 : TTIPgreng

Op der Säit 9 ass den Text vun enger Anti-TTIP-Motioun vun dene Lénken, an där et, ënner anerem, heescht: 

 Op der Säit 10 steet dann, datt déi gréng Deputéiert all dogéint gestëmmt hunn.

Ech mengen, datt den Här Turmes de Leit mol soll d’Wouerecht soen amplaatz wëllen de Leit eppes iwwer déi gréng Positioun ze erzielen, wat absolut net der Realitéit entsprecht!

Well déi Geschicht vun dräi lesbesche Fraen déi sech mateneen bestuet hunn an sech lo Kanner „maache loossen“ (eent fir all Fra) gläich an e puer Zeitunge steet, ginn ech mol dovun aus, datt se richteg ass – jusqu’à la preuve éventuelle du contraire.  Jiddefalls ass déi Entwécklung logesch wa mir bis d’Gesetz iwwer d’Homo-„Bestietnis“ hunn. Mat wéi engen Argumenter kéinten d’Protagonisten vun dëser gesellschaftlecher Entwécklung dann nach sou Entwécklunge verhënneren – virausgesat datt si dat iwwerhaapt wéilten?  D’Rechnung fir d’Verantwortungslosegkeet vun eiser Gesellschaft bezuelen d’Kanner.  

http://www.mirror.co.uk/news/real-life-stories/three-women-married-each-other-3453009

http://www.dailymail.co.uk/femail/article-2611020/Meet-worlds-married-lesbian-threesome-baby-make-four-July.html

Haut de mëtteg hunn d’Parteien eng „table-ronde“ um 100,7 opgeholl bei där ech d’Eier hat d’ADR ze vertrieden.

Et wor en doutlangweilegen Exercice (all Partei sinn ëmmer der Rei no zu Wuert komm) well bei dem Format keng lieweg Diskussioune méiglech sinn. Mä ëmmerhin demokratesch, transparent a gerecht. D’Journalisten hunn sech och vill Méi ginn.

Wat mech awer iergert, ass d’Hypocrisie vun dene Gréngen. Hiren Europadeputéierten huet gesot TTIP („Transatlantic Trade and Investment Partnership“ – dat geplangten transatlesch Handelsofkommes mat den USA) géng „op den Tipp“ gehéieren an hien wor dobäi ganz houfreg op seng dichterech Leeschtung ( -ip -ip). Hien huet awer  vergiess ze soen, datt seng eege gréng Partei dat Ofkommes an der lëtzebuerger Chamber ënnerstëtzt!

Den Här Turmes huet dann och nach seng, respektiv déi gréng,  „Mériten“ am Europaparlament virgelies amplaatz kloer op d’Froen ze äntwerten. Hie sot dobäi net, datt hien näicht géint säi pädophilen Fraktiounschef gemaach huet, datt hien sech an der Sëtzfro vum Europäesche Parlament enthalen huet (also Lëtzebuerg NET ënnerstëtzt huet!!) an dat hien sech an der „Erklärung vu Lëtzebuerg“ (och op dësem Blog ze fannen) zu lauter Saachen engagéiert huet, déi eiser Finanzplaatz enorm schueden.

Och déi Lénk hunn net richteg Faarw bekannt. Emmerhin huet hir Vertriederin gesot, datt déi Europäesch Zentralbank misst demokratesch kontrolléiert ginn, an anere Wierder, datt d’Geldpolitik misst komplett politiséiert ginn.

Interessant wor och, datt all déi federal Parteien  (also all ausser der ADR) dat net sou oppe wollte soen. Si schreiwen dat zwar an hir Programmer a si handelen och sou, mä bei den ëffentlechen Diskussiounen soen si et de Wieler léiwer net. Dat gëlt besonnesch beim Thema Scholdenunioun an Eurobonds.

Ech wor haut alt nees frou fir Member an enger éierlecher Partei  ze sinn. D’ADR ass géint e Federalstaat a si seet et och!

Um Site vun der www.chd.lu kann een elo d’Petitioun géint d’Homo-Bestietnis ënnerschreiwen. Hei ass de Lien:

http://www.chd.lu/wps/portal/public/!ut/p/b1/jctNDoIwEIbhs3iCzoylGZZFC61EbAUT6MawMIaEn43x_OIBjHy7L3kfEUXHLCUhYyJaEef-PTz717DM_fj9Ud2JrdWVaYgvAUBL3zg4BSg8rkG3BugSbR2QhVwpcN4eU1XKfVngNk_M9bXQZ5OmtwwcHLA2ISNwtM3Dj2n45yu7TA8xxTHPWe8-YKaKoQ!!/dl4/d5/L2dBISEvZ0FBIS9nQSEh/pw/Z7_28HHANET28OQ00A4PTI0JQ0G51/ren/p=petition_id=50/p=ePetition=PetitionSignature/-/#Z7_28HHANET28OQ00A4PTI0JQ0G51

D’Argumentatioun géint d’Homo-Bestietnis fënnt sech op ville Plazen op dësem Blog. Virun allem awer recommandéieren ech jiddwerengem nach eemol dat exzellent Buch vum Här Alain Thorn „L’intrusion homoparentale“.